MAKNA DAN PIDATO ADAT MINANGKABAU

MAKNA DAN PIDATO ADAT MINANGKABAU

 

Pidato adat minangkabau adalah salah satu bentuk karya sastra minangkabau.pidato itu mengandung makna yang dalam .ia terhimpun di didalam ungkapan ,petatah petitih ,dan mamangan .ia terdiri atas kata-kata berkias ,beribarat,dan berumpama.untuk mendapatkan makna yang ada didalamnya, diperlukan pemahaman yang mendalam. Selain itu, untuk memahaminya diperlukan sejumlah pengetahuan tentang minangkabau.pengetahuan tentang minang kabau.pengetahuan dasar yang diperlukan untuk memahami pidato adat itu ialah budaya minangkabau, bahasa minang kabau, dan makna kiasan ungkapan minangkabau. Tanpa memiliki pengetahuan dasar itu akan sulit mengungkap kan makna pidato adat minangkabau

Berikut adalah contoh pantun persembahan minang.

Datuak rajo pangulu,pado datuak tibonyo sambah,sungguahpun datuak surang nan disambah, tagah dek adat jo pusako, dek barih cupak jo gantang , dek alua datuak kasamonyo, ambo ka mandatangkan samabah.

Adopun sambah nan kaditunggangkan kapado datuak, kalau basiang dinan tumbuah, jikok manimbang di nan ado, katumbuah sarupo iko kini.

Sandi andiko dalam kampuang , datuak tampuak tangkainyo, pinggiran silang jo salisiah, kusuik di datuak salasainyo, karuah di datuak ka janiahnyo,ibarat diri badan datuak, kayu gadang di tangah padang, baurek limbago matan ,bacupak cewang ka langik ,babatang sandi andiko, badahan cupak jo gantang, barantiang baih babalek , badaun rimbun dek adat, babungo mungkin jo patuik, babuah kato nan bana, buliah baselo diureknyo , buliah basanda dibatangnyo,gantuangan cupak nan sakundi-kundi yo, nan sapantiang tali bajak, kupang jo ameh masuak pulo, nan ganok dua baleh taia, dikikih bahabih basi, dibasuah bahabih aia , dianjak indaknyo layua, dibubuik indaknyo mati , itu nan dikatoka cupak usali nan tasabuik cupak batuan ,itu nan batapuang kapua jo sadah, balicak pinang jo gambia, sasuai mangko manjadi , saukua mako takanak, kok datang hujan jo paneh ,batiup angin jo ribuik, sabarih batang hilang, satitiak bapatang lupo.

Lah janiah cahayo adat, lah tarang bangun pusako, bak rumpuik ditimpo rinyai, musim pabilo kalipuanyo.

Salangkah turun dari janjang, dari tanggo rumah kampuang kami, barih tabantang kami turuik, labuah nan golong kami tampuah, masuak ka Korong kampuang datuak.

Kok tibo alah baduduakan, lah taunjuak sirih di carano, tandolah sudah minum jo makan , nan sakarang iko kini, pihak di diri marapulai, lah duduak di ateh rumah , duduak di ruang rumah nan gadang , di lingkuang niniak jo mamak,dihadapan ibu jo bapak, sarato ipa dengan bisan cukuik jo urang mudo matah, lah duduak basandiang duo , nan bak bulan jo matahari, bintang kejora manguliliang ,

Kok tumbuah di tangah rumah , kajadi adat bijo nan baiak, katungek pamandu jalan, kakarih pamaga diri, dalam adat baradat pulo. Kok elok ratak tangahnyo , panjang bao kamangarek , singkek bao kamauleh , senteng bao kamambilai. Kok elok ratak lidahnyo. Kusuik bao kamanyalasainya, kok karuah baok ka mampajaniah nyo, kok ka hilia samo ka hilia , ka mudiak samo ka mudiak

Tapi samantang pun baitu, pihak didiri marapulai raso manetek arai pinang , antah baraia antah tidak nan bak alu patah, musim talampau ,urek tagantuang ka jarami, rantiang nan dicinto, supayo datuak tarimo elok-elok,iko di dalam tapak tangan , sakian sambah pado datuak

Pidato basambahan diatas hanya ingin menyatakan supaya datuak rajo panghulu dapat menerima marapulai menurut sewajarnya. Isi nya berupa harapan supaya marapulai di perlakukan menurut adat yang berlaku . akan tetapi pernyataan sangat panjang . panjnag nya pernyataan itu disebabkan oleh pengahatar dan latar belakang nya sebelum sampai kepada yang dimaksud juru pidato juga menyampaikan peranan datuak didalalm kampung , arti adat arti limbago, arti cupak usali dan cupak buatan serta hal-hal lain yang menjadi latar belakang keberadaan marapulai di rumah itu jadi di samping makna yang dimaksud oleh pidato pasambahan di atas , juga tersirat makan lain yang berisi pituah dan ajaran adat.